|
اشـعارعـاشــورایی عاصـــــم زنجـانـی وبلاگ ادبی شاعر عاشورایی_عاصم زنجانی(طاب ثراه) ---------- پنج شنبه 23 آبان 1393برچسب:یکصد بند عاشورایی عاصم زنجانی, :: 10:50 :: نويسنده : ---- محمدجواد امیدی ----
مخـلوق رب خالقه اولمــــاز یقیـن قیـاس عــاجـــز دلیــله تا ایـــده اوز ربّنـه سپاس شکـر ایلسه گرک اولا مین عذریلن شکور شـــاید که اوندا رحمت حقلـن تاپا تمــاس
****************** بوستان عاصم زنجاني تنـدیس نگارخانه ی مولاناعاصم زنجانی
( 1 )
بیلمم ندور بو عشق که بو خاکداندا وار یوخ آسماندا لیک زمیــن و زماندا وار بو خاکداندا هــر یره باخسا اگر بری عشقون ظهورنی گوره جک هر مکاندا وار عشقین وجودی اعظم اشیاء کوندور مسکن اونا نه عرشده نه آسماندا وار حیواندا عشق یوخدی ملک بی نصیب دور بو عشقدن که شهرتی چوخ داستاندا وار قلب بشــر که لایتناهـــیدی وســعتی عشقه مکان تاپولسا دل و جسم و جاندا وار بولبولدده وصال گله واردی عشق لیک فصــل بهـــارده چمن و گلســتاندا وار عاشقلرینه عشقی ایکی قسمت ایلیوب اول عاشقی که قدرتی ایکی جهاندا وار بیر قسمتین بو نشانون اهلی قبول ایدوب تـا کشـف اولا او سـرّلـریکه نهـــانــدا وار بیر قسمتین او نشأنون اهلینه ویردیلر کشف اولدی سود هر ایکی دنیا زیاندا وار مولــود عشــقدی هامی اولاد بوالبشر آنلار بونی اوکسده که وار ذوق مختصر
( 2 )
تقسیم ایدوب ایکی یره عشقی خدای عشق اول گونده کیم ظهوره گلوبدور لقای عشق بیر قسمی اولدی عشق مجازی فناسی وار هرگز مُودّع اولمیوب اوندا بقای عشق بیر قسمتی که عشق حقیقی بقاسی وار هرگز اوقسمتنده گورونموب فنای عشق اما مجاز قنطره دور چون حقیقته وجهی اودور که بیر سایلور اقتضای عشق مجنون چو گوردی لیلینی مکتبده ناگهان باشینه دوشدی سایه ی فرّ همای عشق آلدی قرارینی بیله الدن جمال یار تسلیم اولوب وجودینی ایتدی فدای عشق گچدی مجاز قنطره سندن حقیقته تا دردنون دواسی اولوب هر بلای عشق شاهد بو مطلبه بودی لیلی حضورینه گیتدی که وصلنه یته اول مبتلای عشق معشوقه سینی ردّ ایلدی وصله یتممش آندردی نه یره یته جاق منتهای عشق عشقین مناعتین نه بیلور عشقه دوشمین یـارین متـــانتین نه بیـــلور یاری گــورمیــن
( 3 )
عاشق اودور جهاندا اونون یاری بیر اولور معشوقی بیر اولور دل و دلداری بیر اولور عشقین یولوندا الده اولا یوز گلی اگر یول بیر اولور ایاقه باتان خاری بیر اولور عاشق دیمزلر اول کسه معشوقی ایکی دور هاردا ایکی گورن گوزون انظاری بیر اولور هرکس که هر گوزل گوروب عاشق اولا اونا هاردا اونون مقاله و گفتاری بیر اولور عاشق دگل پرستش ایده اوز هواسنه هر کیم که یاری چوخ دل بیماری بیر اولور عاشق حقیقتاً اودی عالمده هر نه وار بیردور یانندا چون هامی افکاری بیر اولور بیر نقطه ده گزر قان اولان گوگلی عاشقون بیر اولسا نقطه دایره پرگاری بیر اولور بیر سیلدور بنای وجودی یخان بو عشق تپراقلا عاشقون در و دیواری بیر اولور بازار عشقده بیله چوخدور متاع غم اول غملرون دوغورچی خریداری بیر اولور بو عشقی عالمه گتورن حُسن یاردور نـــور وجـــود حسن قلان اعتبـــاردور
( 4 )
حسینکه لایزالدی یوخــــدور تحوّلی
اول عاشقون مبارک آدی تاپدی امتیاز اول امتیازیله بو جهان اولدی سر فراز
«در حال تكميل میباشد» ************************
(استفاده از مطالب وبلاگ با ذكر منبع بلامانع مي باشد)
درباره وبلاگ  موضوعات آخرین مطالب پيوندها
برای تبادل لینک ابتدا ما را با عنوان ترکیب بند عاصم زنجانی و آدرس asemezanjani.LXB.ir لینک نمایید سپس مشخصات لینک خود را در زیر نوشته . در صورت وجود لینک ما در سایت شما لینکتان به طور خودکار در سایت ما قرار میگیرد. نويسندگان
|
|||||||||||||||||
 |
|||||||||||||||||
تبادل لینک هوشمند 
خبرنامه وب سایت:
آمار
وب سایت: